أوامر بحث جوجل لمهام السيو: الفهرسة والمنافسين والروابط

لحد هنا اتعلمنا كل أمر لوحده.

النهاردة مفيش أمر جديد. النهاردة هنشتغل.

كل جزء في الدرس ده مهمة سيو حقيقية: السؤال، والأمر اللي بيجاوبه، وإزاي تقرأ النتايج، وتعمل بيها إيه.

ولاحظ حاجة: محدش بيحفظ الوصفات دي. اللي بيفرق إنك تبدأ من السؤال، وتختار الأمر اللي يجاوبه.

1. جوجل عارف صفحات موقعي؟

افترض إنك مسؤول السيو في جوميا مصر، وعايز تعرف جوجل عارف إيه من صفحات الهبوط اللي شفناها في درس site.

افتح النتايج وبص على شكلها، مش عددها. افتكر من درس site إن الرقم تقريبي.

اللي بتدوّر عليه: صفحات مكانهاش تكون في جوجل. صفحات بحث داخلي، أو تصنيفات فاضية، أو صفحات بنفس المحتوى. مثلًا على موقعك:

لو لقيت مئات صفحات التاجات وكل واحدة فيها مقالين، ده محتوى ضعيف جوجل بيضيّع وقته فيه.

2. صفحتين بيتنافسوا على نفس الكلمة

لو عندك صفحتين معمولين لنفس الكلمة، ممكن يتنافسوا مع بعض بدل ما يتنافسوا مع منافسينك.

هتلاقي «مطحنة قهوة يدوية خشبية»، و«مطحنة قهوة يدوية» لوحدها، وصيغ تانية قريبة. كلهم بنفس القالب.

السؤال اللي تسأله: هل كل صفحة فيهم بتخدم بحث مختلف فعلًا؟ ولا محتواهم شبه بعض؟ لو شبه بعض، افتح Search Console وشوف هل الصفحتين بيظهروا لنفس الكلمات.

3. المنافس كتب إيه عن الموضوع؟

كل مقالات المنافس اللي عنوانها عن المطاحن. اكتبهم في جدول: العنوان، والزاوية (دليل؟ مقارنة؟ مراجعة؟)، وإيه اللي ناقص فيهم.

وزوّد عليها التاريخ من درس 6 علشان تشوف الجديد بس:

4. المنافسين اللي مش ظاهرين

في أي سوق فيه منافسين كبار واضحين، وفيه منافسين أصغر مستخبيين تحتهم. دول غالبًا الأقرب لك.

شيلت المتاجر الكبيرة، فظهر اللي تحتها: متاجر متخصصة، ومدونات قهوة. افتح كل واحد واسأل: بيستهدف نفس الجمهور؟ أقوى مني في إيه؟

5. فرص كتابة مقال على موقع تاني

مواقع كتير بتنشر صفحة اسمها «اكتب معنا» أو «write for us» بتطلب فيها كتّاب. ودي فرصة تكتب مقال وتاخد رابط لموقعك.

متقبلش أي موقع. شوف: الموقع عن نفس مجالك؟ بينشر محتوى حقيقي ولا مقالات مدفوعة بس؟ عنده زيارات من جوجل؟ رابط من موقع ضعيف أو مالوش علاقة بمجالك ممكن يضر أكتر ما ينفع.

6. البراند بتاعك اتذكر فين؟

دي من أهم المهام وأقلها مجهود. خلينا نجرّب على براند حقيقي: أبو عوف.

اقرأه: كل صفحة ذكرت «أبو عوف»، ما عدا موقع أبو عوف نفسه.

ركز في صفحة أمازون: مكتوب فيها «ابو عوف» من غير همزة. وظهرت برضه.

جوجل غالبًا بيعامل «أ» و«ا» زي بعض. لكن متعتمدش على ده في كل الصيغ. البراند ممكن يتكتب بأكتر من شكل، وبالإنجليزي كمان:

الأخبار بس، من غير المتاجر

المتاجر بتبيع المنتج، وده متوقع. اللي يهمك أكتر: مين كتب عن البراند. استبعد المتاجر:

وهنا الشغل الحقيقي: افتح كل خبر وشوف، فيه رابط لموقع البراند؟ لو مفيش، ده اسمه ذكر من غير رابط. والموقع اللي كتب عنك أصلًا، طلب إنه يضيف رابط أسهل بكتير من إنك تطلب رابط من موقع عمره ما سمع عنك.

وعلى السوشيال؟

الناس مش بتكتب عن البراند في المواقع بس. أغلب الكلام بيبقى على فيسبوك وتيك توك وإنستجرام.

وجوجل بيفهرس المنشورات العامة من المنصات دي. يعني نفس site: اللي اتعلمناه، بس على دومين المنصة:

اقرأه: أي منشور عام فيه «أبو عوف»، على أي واحدة من المنصات الأربعة.

ولو عايز منصة واحدة، دي الدومينات:

الجروبات بالذات مهمة. هناك الناس بتسأل بجد: «حد جرّب البن بتاع أبو عوف؟». الأسئلة دي أفكار محتوى جاهزة.

الناس زعلانة من إيه؟

ضيف كلمات الشكوى، وخليها على السوشيال:

كده بتعرف المشاكل اللي بتتكرر، قبل ما تكبر. وده شغل خدمة العملاء والسيو مع بعض: لو مشكلة بتتكرر، اكتب لها صفحة تجاوبها.

الجديد بس

ذكر البراند من سنتين مش مهم زي ذكره الأسبوع ده. والفترة دي مش أمر بيتكتب في المربع، دي بتتضاف للرابط: tbs=qdr:w يعني آخر أسبوع. هتشوفها بالتفصيل في الدرس الجاي.

ولو مش عايز تكتب كل ده، منشئ أوامر البحث فيه قسم كامل اسمه «البراند والسوشيال»: تكتب اسم البراند، والأداة تكتب الأمر وتختار الفترة.

7. الناس بتسأل عن إيه؟

علشان صفحتك تجاوب الأسئلة اللي الناس بتدوّر عليها فعلًا:

كل عنوان هنا سؤال حد اتعب يكتب له صفحة. اجمع الأسئلة، وشيل المكرر، واختار اللي يستاهل يبقى عنوان فرعي في صفحتك.

ومجتمعات الإنجليزي فيها نقاشات كتير عن المطاحن اليدوية:

8. أرقام موثوقة لمحتواك

من درس 5:

ومتنساش الأسئلة الأربعة: مين نشر؟ إمتى؟ الوحدة إيه؟ بيقيس إيه؟

أوامر بطّلت تشتغل

هتلاقي مقالات قديمة كتير بتشرح أوامر جوجل وقّفها. لو جربتها مش هتلاقي نتايج، فمتضيعش وقتك:

الوصفات كلها في جدول

الاختبار التطبيقي

اختبار التفكير

مديرك قالك: «عايز أعرف المنافسين بتوعنا». تكتب إيه في جوجل؟

قبل ما تكتب أي أمر، السؤال نفسه مش واضح. منافسين في إيه؟

المنافس في جوجل هو اللي بيظهر للكلمات اللي انت عايز تظهر فيها. ممكن يكون متجر، وممكن يكون مدونة، وممكن يكون موقع أخبار.

فابدأ من الكلمات المهمة لك، وابحث بيها، وشوف مين بيتكرر. وبعدها استخدم site: وintitle: علشان تفهم كل منافس بيعمل إيه.

الأوامر أدوات. والسؤال الواضح هو اللي بيحدد تستخدم أنهي أداة.

قبل الدرس التالي

كل الأوامر اللي كتبناها كانت بتتكتب في مربع البحث.

لكن فيه حاجات مش بتتكتب في المربع: دولة النتايج، ولغة الواجهة، والفترة الزمنية من قايمة «الأدوات». الحاجات دي بتتكتب في رابط صفحة النتايج نفسه. وده آخر درس: هنقرأ الرابط ونعدّله بإيدنا، ونستخدم منشئ أوامر البحث في مشروع نهاية الكورس.