PYTHON FOR SEO

مميزات شات جي بي تي المتقدمة وطريقة استخدامها

عشر مميزات متقدمة في ChatGPT، ومع كل ميزة: متى تستخدمها، وأي خطة تحتاجها، وخطوات تجربتها بمثال من شغل السيو، وPrompt جاهز تنسخه.

بقلم إسلام أحمد

نُشر في مراجعة المصادر: 14 دقيقة قراءة

فيه 3 أماكن مختلفة تقدر تشتغل منها في ChatGPT:

  • المحادثة العادية.
  • وضع Work، للمهام اللي فيها خطوات كتير.
  • تطبيق ChatGPT على الكمبيوتر، لما تحتاجه يوصل لملفات وبرامج على جهازك.

وفيه فرق تاني لازم يبقى واضح من الأول:

المتصفح اللي على جهازك، غير المتصفح السحابي اللي شغال على كمبيوتر بعيد.

لو على الخطة المجانية، تقدر تبدأ من غير ما تدفع.

Projects وCodex متاحين بحدود، وDeep Research وTasks حسب اللي ظاهر في حسابك.

لكن Work والمتصفح السحابي محتاجين خطة مدفوعة.

ابدأ بالخريطة الذهنية ↓اعرف خطتك تدعم إيه ↓

أي ميزة في شات جي بي تي تناسب مهمتك؟

ابدأ من الشغل اللي عايز تعمله، واضغط على الميزة توصل لطريقة استخدامها.

عايز تعمل إيه؟

مميزات شات جي بي تي المجاني والمدفوع

مش كل ميزة محتاجة اشتراك، ولا كل ميزة محتاجة تثبّت برنامج. الجدول ده يقولك تبدأ منين، لكن الحكم النهائي هو اللي ظاهر في حسابك.

الميزةالخطةبتشتغل منين؟
التحكم في الكمبيوترحساب مؤهل + صلاحياتتطبيق ChatGPT على ويندوز أو ماك، من Codex أو Work
متصفح شات جي بي تي السحابيخطة مدفوعة مؤهلة، مش Free ولا GoWork على الويب أو الموبايل، من غير تثبيت
المبرمج السحابيCodex بحدود في المجاني، وCodex Cloud للمدفوعCodex في تطبيق الكمبيوتر أو على الويب
البحث العميقفي المجاني بحدود، وأكتر في المدفوعزرار (+) في ChatGPT، وبعدين Deep Research
المهام المجدولةفي المجاني بحدود، والمواعيد بالساعة للمدفوعصفحة Scheduled، أو تطلبها في المحادثة
مهارات شات جي بي تيغالبًا Business وEnterprise وEdu وHealthcarePlugins ثم Skills، لو متاحة لحسابك
ربط التطبيقاتالقايمة في كل الخطط، والإضافة نفسها حسب خطتكPlugins في القايمة الجانبية، وبعدين Install وConnect
مشاريع شات جي بي تيفي المجاني والمدفوع، بعدد ملفات مختلفProjects في القايمة الجانبية
تنفيذ المشروعاتخطط مدفوعة مؤهلة، مش Free ولا GoWork في ChatGPT على الويب أو الموبايل أو الكمبيوتر
أدوات المواقعحساب وتطبيق مدعومين + موقع بيقدّم الأدواتالمتصفح اللي جوه تطبيق ChatGPT على الكمبيوتر

طريقة استخدام المميزات المتقدمة في ChatGPT خطوة بخطوة

كل ميزة هنا معاها مثال من شغل السيو، وخطوات تجربتها، وPrompt تنسخه. جرّب الأول على حاجة صغيرة، ولما تطمن للنتيجة كبّر المهمة.

التحكم في الكمبيوترComputer Use

01
تطبيق ChatGPT على ويندوز أو ماك، من Codex أو Workحساب مؤهل + صلاحيات

افترض إنك فاتح Screaming Frog، وعندك قايمة روابط عايز تفحصها.

بدل ما تسأل ChatGPT عن الفحص، تقدر تخليه هو اللي يشغّل البرنامج: يختار القايمة، ويبدأ الفحص، ويصدّر التقرير.

ده اسمه Computer Use.

والبرنامج هنا على جهازك أنت، مش على كمبيوتر في السحابة.

قبل ما تبدأ

Screaming Frog متثبت على جهازك، وملف الروابط موجود عندك، والتحكم في البرامج مفعّل في حسابك.

تثبيت تطبيق ChatGPT لوحده مش كفاية.

جرّبها خطوة بخطوة

  1. ثبّت آخر نسخة من تطبيق ChatGPT على الكمبيوتر، وسجّل دخول، وافتح Codex أو Work.
  2. من Plugins دوّر على Computer Use لو ظاهر لحسابك، وفعّله، وراجع أذونات البرامج.
  3. ابدأ بقايمة صغيرة: 10 روابط بس. واسمح بالوصول لـScreaming Frog لما يطلبه وبس.
  4. اطلب منه يفحص الروابط ويصدّر Title وCanonical وStatus Code في ملف CSV، وافتح الملف بنفسك واتأكد من النتايج.

الـPrompt

عندي ملف urls.csv يحتوي على 10 روابط اختبار. إذا كان عندك وصول مصرح به إلى Screaming Frog على جهازي، افتح البرنامج، واستخدم List Mode لفحص الروابط، ثم صدّر Status Code وTitle وCanonical إلى ملف CSV. لا تغيّر إعدادات أخرى، ولا تبدأ أي إجراء لا تستطيع التحقق منه. إن لم تتوفر صلاحية التحكم في البرنامج، أخبرني بدل الادعاء بالتنفيذ.

الناتج: ملف فحص طالع من البرنامج نفسه، مش مجرد شرح.

خد بالك:

الميزة دي مش متاحة لكل الحسابات، ومحتاجة البرنامج يكون مدعوم.

لو مش ظاهرة عندك، صدّر الـCSV من Screaming Frog بإيدك وارفعه لـChatGPT يحلله. هتوصل لنفس التحليل، من غير ما يتحكم في جهازك.

الدرس الكامل في كورس ChatGPT: متصفح شات جي بي تي وComputer Use: متى يتصفح المواقع بنفسه

المصادر:Computer Use والسياسات دليل Screaming Frog

متصفح شات جي بي تي السحابيCloud Browser

02
Work على الويب أو الموبايل، من غير تثبيتخطة مدفوعة مؤهلة، مش Free ولا Go

عندك 15 مقالة جاهزة، وعايز تدخّلهم Drafts على موقع ووردبريس.

المتصفح السحابي معناه إن ChatGPT بيفتح متصفح على كمبيوتر بعيد، ويمشي في خطوات لوحة التحكم بدالك، لو الموقع بيسمح بده.

وتقدر تسيب المهمة شغالة حتى لو قفلت جهازك.

لكنه هيقف لو احتاج تسجيل دخول أو موافقة منك.

قبل ما تبدأ

خطة مدفوعة فيها Work، وموقع بيسمح بالتصفح الآلي، وحسابك عنده صلاحية على لوحة التحكم.

وابدأ بموقع تجريبي، مش الموقع الأساسي.

جرّبها خطوة بخطوة

  1. افتح chatgpt.com واختار Work.
  2. قوله على موقع تجريبي بتاعك، والمطلوب بالظبط: Draft واحد بس.
  3. لما يطلب تسجيل دخول للموقع، استخدم نموذج الدخول الآمن. متكتبش الباسورد في الشات.
  4. تابع الخطوات، وراجع الـDraft بنفسك قبل ما تطلب منه يكرر العملية.

الـPrompt

استخدم Work لمساعدتي في إنشاء مسودة اختبار واحدة على لوحة تحكم ووردبريس التي سأوفر الوصول إليها. عنوانها: دليل اختبار للمراجعة. أضف فقرة قصيرة فقط واحفظها كمسودة، ولا تنشرها، ولا تعدل أي محتوى موجود. بعد الحفظ أعطني رابط المسودة أو وصفًا دقيقًا لنتيجة العملية. إذا منع الموقع الوصول الآلي فتوقف.

الناتج: Draft تجريبي واحد محفوظ، تراجعه قبل ما تكرر.

خد بالك:

مش محتاج تختار Cloud Browser بنفسك. Work هو اللي بيقرر: يستخدم المتصفح ولا تطبيق متصل.

وفيه مواقع بتمنع أي تفاعل آلي أصلًا.

الدرس الكامل في كورس ChatGPT: متصفح شات جي بي تي وComputer Use: متى يتصفح المواقع بنفسه

المصادر:المتصفح السحابي في التوثيق الرسمي ChatGPT

المبرمج السحابيCodex / Codex Cloud

03
Codex في تطبيق الكمبيوتر أو على الويبCodex بحدود في المجاني، وCodex Cloud للمدفوع

محتاج أداة تقرا قايمة روابط، وتطلّع لكل رابط Status Code وTitle وCanonical.

ده مش سؤال عن بايثون وخلاص.

أنت محتاج ملفات برنامج، واختبارات، وتعامل مع الأخطاء.

وده شغل Codex: مخصص للبرمجة.

أما Codex Cloud فبيشغّل نفس المهمة على بيئة تطوير بعيدة، بعد ما تجهزها.

قبل ما تبدأ

Codex العادي متاح حتى في الخطة المجانية، بحدود.

لكن Codex Cloud محتاج حساب مؤهل، وبيئة مشروع متجهزة قبلها.

جرّبها خطوة بخطوة

  1. افتح Codex من تطبيق ChatGPT على الكمبيوتر، أو من الويب لو متاح لحسابك.
  2. اختار فولدر مشروع جديد، أو البيئة السحابية اللي جهزتها. ومتديهوش صلاحيات مش محتاجها.
  3. اوصف الأداة: داخل لها ملف CSV، وطالع منها ملف CSV. واطلب اختبارات للروابط اللي بتفشل.
  4. راجع الملفات، وشغّل الأداة على عينة صغيرة، واتأكد من النتايج قبل ما تعتمد عليها.

الـPrompt

ابنِ أداة Python صغيرة تقرأ urls.csv وتستخرج لكل رابط HTTP Status Code وTitle وMeta Description وCanonical، ثم تحفظ النتائج في results.csv. أضف مهلة اتصال ومعالجة للأخطاء واختبارات على صفحات HTML محلية، واشرح طريقة التشغيل. لا تستخدم مواقع حقيقية في الاختبارات إلا بعد أن أوافق.

الناتج: أداة شغالة، ومعاها اختبارات وطريقة تشغيلها.

خد بالك:

متخلطش بين Codex وWork.

Codex للكود. Work للتحليل والتقارير.

وCodex Cloud مش هيشتغل غير لما تجهز البيئة الأول.

المصادر:Codex والخطط تجهيز Codex Cloud

البحث العميقDeep Research

04
زرار (+) في ChatGPT، وبعدين Deep Researchفي المجاني بحدود، وأكتر في المدفوع

قريت دراستين عن تأثير AI Overviews على الـCTR، وكل واحدة طالعة برقم مختلف.

قبل ما تبني قرار على أي رقم فيهم، محتاج تعرف:

  • العينة كانت قد إيه؟
  • الـCTR اتحسب إزاي؟
  • والمقارنة عادلة ولا لأ؟

Deep Research بيعمل خطة بحث، ويجمع الأدلة من مصادر كتير، ويطلّعلك تقرير بمصادره.

مش إجابة سريعة من مقالة واحدة.

قبل ما تبدأ

موضوع يستاهل بحث من أكتر من مصدر، ورصيد Deep Research في حسابك.

لو سؤالك رقم واحد بسيط، البحث العادي كفاية.

جرّبها خطوة بخطوة

  1. افتح محادثة، ومن زرار (+) اختار Deep Research، أو اكتب /Deepresearch.
  2. حدد السؤال، والفترة، والمصادر اللي عايزها، وشكل التقرير في الآخر.
  3. راجع خطة البحث اللي هيقترحها، وعدّلها قبل ما يبدأ.
  4. لما التقرير يطلع، افتح الدراسات الأصلية بنفسك واتأكد من أهم الاستنتاجات.

الـPrompt

ابحث في الدراسات الأصلية التي درست تأثير AI Overviews على CTR، وقارن حجم العينات وطريقة قياس CTR وتواريخ جمع البيانات، ووضح نقاط الاتفاق والاختلاف. لا تخلط بين الارتباط والسببية، وأرفق رابط كل دراسة أصلية.

الناتج: مقارنة بين الدراسات بمصادرها، وإيه اللي ينفع تستنتجه منها وإيه اللي مينفعش.

خد بالك:

البحث العميق مش هيحوّل دراسة ضعيفة لدليل قوي.

لازم تراجع المصادر وتواريخها بنفسك.

الدرس الكامل في كورس ChatGPT: البحث العميق في شات جي بي تي Deep Research: متى تحتاجه

المصادر:البحث العميق في التوثيق الرسمي

المهام المجدولةTasks / Scheduled

05
صفحة Scheduled، أو تطلبها في المحادثةفي المجاني بحدود، والمواعيد بالساعة للمدفوع

كل أسبوع بتراجع أخبار جوجل، ونفس الخطوات بتتكرر كل مرة.

هنا Tasks هي الأنسب.

لأن المطلوب متابعة في وقت بعدين، مش إجابة دلوقتي.

تقدر تحدد أيام أو مواعيد، وفيه حسابات بتقدر تراقب حاجة معينة وتبعتلك تنبيه لما تتغير.

قبل ما تبدأ

حساب بيدعم المهام المجدولة، وعندك مكان لمهمة جديدة.

في الخطة المجانية العدد أقل، والمواعيد مرنة (الصبح، أو بعد الضهر، أو بالليل)، مش بالساعة.

جرّبها خطوة بخطوة

  1. افتح Scheduled في ChatGPT، أو اطلب المهمة في محادثة عادية.
  2. حدد المصدر، وإيه اللي يعتبر تحديث، وإمتى يبعتلك.
  3. راجع كارت المهمة، واتأكد إنها اتعملت وإن ميعادها صح.
  4. لو مش محتاجها، عدّلها أو وقّفها من Scheduled.

الـPrompt

كل يوم جمعة مساءً، ابحث في تحديثات Google Search Central الرسمية الصادرة خلال الأسبوع، ولخّص فقط ما يغيّر قرارًا عمليًا لمتخصص SEO. اذكر تاريخ الخبر ورابط المصدر، ولا تكرر خبرًا من أسبوع سابق دون جديد.

الناتج: ملخص بيوصلك بانتظام، أو تنبيه لما يحصل شرط خطتك بتدعمه.

خد بالك:

حسب التوثيق الحالي: Free وGo ليهم 3 مهام نشطة بس، والمجاني مهمة متكررة واحدة في اليوم بميعاد مرن.

والمهمة اللي بتعملها جوه Project مش بتقدر تقرا ملفات المشروع.

الدرس الكامل في كورس ChatGPT: المهام المجدولة والأتمتة في شات جي بي تي: Tasks

المصادر:Tasks ومواعيدها في التوثيق الرسمي

مهارات شات جي بي تيSkills

06
Plugins ثم Skills، لو متاحة لحسابكغالبًا Business وEnterprise وEdu وHealthcare

كل مرة بتراجع مقالة، بتشرح لـChatGPT نفس الطريقة: نية البحث، والترتيب، والتكرار، والتحقق، وبعدين قرار التعديل.

بدل ما تكتب التعليمات الطويلة دي في كل طلب، المهارة بتحفظ الطريقة بخطواتها وأمثلتها.

وChatGPT يستخدمها لوحده في المهام اللي تناسبها.

قبل ما تبدأ

تكون Skills ظاهرة في حسابك، ومسموحلك تعمل أو تثبّت مهارة.

ومش مضمونة في حسابات Free وPlus الفردية.

جرّبها خطوة بخطوة

  1. من القايمة الجانبية افتح Plugins، وبعدين Skills.
  2. اختار Create with chat، أو المحرر لو متاح.
  3. حدد إمتى المهارة تشتغل، وخطواتها، والممنوع فيها، وإزاي نتيجتها تتراجع.
  4. جربها على مقالتين مختلفتين، وعدّل الخطوة اللي بتطلع منها الأخطاء.

الـPrompt

أنشئ مهارة لمراجعة المقالات: تبدأ بتحديد هدف الصفحة ونية البحث، ثم تراجع بنية العناوين، وتكشف الفجوات والتكرار، وتتحقق من الادعاءات، وفي النهاية تقدم توصيات مرتبة بسبب واضح. لا تعيد كتابة المقالة إلا لو طلبت ذلك. اختبر المهارة على نص قصير افتراضي.

الناتج: طريقة مراجعة تستخدمها كل مرة، وتطورها مع الوقت.

خد بالك:

لو Skills مش متاحة عندك، استخدم تعليمات Project كبديل بسيط.

بس المشروع والمهارة مش نفس الحاجة.

الدرس الكامل في كورس ChatGPT: ما هي Skills في شات جي بي تي؟ ومتى تحتاجها

المصادر:Skills في التوثيق الرسمي

ربط التطبيقاتPlugins / Connected apps

07
Plugins في القايمة الجانبية، وبعدين Install وConnectالقايمة في كل الخطط، والإضافة نفسها حسب خطتك

عندك تقرير صفحات على Google Sheets.

لو ربطت ChatGPT بالحساب الصح، تقدر تطلب منه يقرا البيانات ويحلل تغير الـClicks والـImpressions، من غير ما ترفع نسخة جديدة كل مرة.

الفكرة هنا مش إن ChatGPT عنده بياناتك لوحده.

الفكرة إنك أنت اللي بتسمحله يوصل لمصدر معين.

قبل ما تبدأ

الإضافة المناسبة، وصلاحية على مصدر البيانات، وتسجيل دخول لو التطبيق طلبه.

جرّبها خطوة بخطوة

  1. افتح Plugins ودوّر على إضافة زي Google Drive، وشوف هي بتقرا بس ولا بتعدّل كمان.
  2. اضغط Install وبعدين Connect لو ظهر، وسجّل دخول بحساب من حقك تستخدمه.
  3. اطلب منه يفتح شيت معين بالاسم أو الرابط، ويطلّع الأعمدة اللي محتاجها بس.
  4. راجع الأرقام وآخر تحديث للبيانات. ومتديهوش صلاحية تعديل غير لو محتاجها.

الـPrompt

استخدم التطبيق المتصل للوصول إلى جدول أداء الصفحات الذي أحدده، وقارن Clicks وImpressions وCTR على مستوى الصفحة خلال آخر 3 أشهر. أخرج فقط الصفحات التي تراجعت نقراتها أكثر من 20%، وافصل بين انخفاض الظهور وانخفاض CTR. لا تعدّل الجدول الأصلي.

الناتج: تحليل مباشر من المصدر نفسه، وتقدر ترجع للأصل في أي وقت.

خد بالك:

مش كل Plugin بيعمل كل حاجة، وفيه إضافات بتقرا بس.

ومتفترضش إن ChatGPT واصل لأي حساب أنت مربطتهوش.

الدرس الكامل في كورس ChatGPT: ربط شات جي بي تي بتطبيقاتك: Apps وConnectors

المصادر:Plugins في التوثيق الرسمي

مشاريع شات جي بي تيProjects

08
Projects في القايمة الجانبيةفي المجاني والمدفوع، بعدد ملفات مختلف

بتشتغل على موقع بقالك شهور، وعندك قرارات وتقارير وخطة محتوى.

وعايز كل مهمة جديدة تبدأ من نفس السياق، من غير ما تشرح كل حاجة من الأول.

ده شغل Project: بيجمع محادثات المشروع وتعليماته وملفاته في مكان واحد.

قبل ما تبدأ

حساب ChatGPT مسجّل، وملفات من حقك ترفعها.

عدد الملفات في المشروع، حسب التوثيق الحالي:

  • Free: لحد 5 ملفات.
  • Go وPlus: لحد 25.
  • Pro وBusiness وEnterprise وEdu: لحد 40.

جرّبها خطوة بخطوة

  1. من القايمة الجانبية اختار New Project، وسمّيه باسم الشغل.
  2. ضيف خطة المحتوى أو تقرير مرجعي، واكتب تعليمات مختصرة للمشروع.
  3. افتح جواه محادثة لتحليل بيانات معينة، وقوله يشتغل على أنهي ملفات.
  4. اختبره بسؤال عن قرار مكتوب في ملف، وشوف جاوب من المصدر الصح ولا لأ.

الـPrompt

اعتمد فقط على الملفات الموجودة داخل المشروع لتلخيص الأولويات المتفق عليها للشهر القادم. افصل بين القرارات المعتمدة والأفكار المقترحة، ولو الملف لا يتضمن معلومة فلا تفترضها.

الناتج: سياق شغل منظم، جاهز لأي محادثة جاية في المشروع.

خد بالك:

Project مش ذاكرة بتحفظ كل حاجة بالحرف، ومش أداة Crawl.

والقرار المهم احفظه في ملف مرجعي. متعتمدش إنه موجود في محادثة قديمة.

الدرس الكامل في كورس ChatGPT: مشاريع شات جي بي تي Projects: متى تنقل عملك إلى مشروع

المصادر:Projects وحدود الخطط

تنفيذ المشروعاتChatGPT Work

09
Work في ChatGPT على الويب أو الموبايل أو الكمبيوترخطط مدفوعة مؤهلة، مش Free ولا Go

استلمت متجر جديد، ومحتاج تقرير مراجعة أولي.

ده مش خطوة واحدة.

محتاج تفهم أقسام الموقع، وتحدد الصفحات المهمة، وتشوف محتاج تجمع بيانات إيه، وتبني جدول أولويات.

Work معمول للمهام اللي فيها خطوات كتير وبتخلص بملفات أو نتايج، مش لسؤال سريع.

قبل ما تبدأ

خطة مدفوعة ظاهر فيها Work، والملفات أو الصلاحيات اللي المهمة محتاجاها.

ولو التحليل معتمد على بيانات Search Console، لازم تديهاله أو تربطها.

جرّبها خطوة بخطوة

  1. افتح ChatGPT واختار Work بدل Chat.
  2. ارفع قايمة صفحات أو ملف Crawl تجريبي، وحدد المطلوب وحدود الشغل.
  3. اطلب يبدأ بتقرير أولي، وبعده جدول أولويات. وامنعه يعدّل أي حاجة على المواقع.
  4. راجع الأدلة والملفات، ووافق بنفسك على أي خطوة جديدة محتاجة تدخل أو مصدر بيانات.

الـPrompt

أريد مراجعة أولية لموقع تجريبي. ابدأ بملف الروابط المرفق، واستخرج الصفحات ذات العناوين المفقودة أو المكررة، ثم قدّم جدولًا فيه الرابط والمشكلة ودليلها وأولوية المعالجة. لا تدّعِ أنك حللت أداء الزيارات من دون بيانات Search Console، ولا تغيّر أي صفحة.

الناتج: تقرير وجداول تقدر تراجعها، بدل محادثات متفرقة.

خد بالك:

مش كل مهمة في Work محتاجة Cloud Browser. ساعات يقرا الملفات، أو يستخدم Plugin أنسب.

ولو المهمة بسيطة، Chat العادي كفاية.

الدرس الكامل في كورس ChatGPT: تنفيذ المهام الطويلة بشات جي بي تي: كيف تصوغ المهمة

المصادر:الفرق بين Chat وWork وCodex

أدوات المواقعSite Tools / WebMCP

10
المتصفح اللي جوه تطبيق ChatGPT على الكمبيوترحساب وتطبيق مدعومين + موقع بيقدّم الأدوات

افترض إن الموقع اللي بتشتغل عليه عنده أداة رسمية للبحث في المخزون.

بدل ما ChatGPT يضغط على القوايم زي ما أنت بتعمل، يقدر يستخدم الأداة دي مباشرة.

بس ده مش بيحصل في أي موقع.

لازم الموقع نفسه يقدّم Site Tools، وحسابك يكون مؤهل.

قبل ما تبدأ

تطبيق ChatGPT على ويندوز أو ماك، والمتصفح المدمج فيه، وموقع فعلًا بيقدّم Site Tools.

جرّبها خطوة بخطوة

  1. افتح تطبيق ChatGPT، وبعدين Work أو Codex، وافتح المتصفح المدمج من شريط الأدوات أو بـCtrl+Shift+B على ويندوز.
  2. ادخل موقع بتثق فيه، ودوّر على سهم أدوات الموقع في شريط العنوان.
  3. لو الأدوات ظهرت، اضغط على السهم واقرا كل أداة بتعمل إيه ومحتاجة صلاحيات إيه.
  4. اطلب حاجة بسيطة بالقراءة بس، زي البحث عن مجموعة منتجات، وراجع النتيجة قبل أي تعديل.

الـPrompt

إذا كانت الصفحة الحالية توفر Site Tools للبحث في المنتجات، استخدم الأداة للعثور على العناصر التي تقل كميتها عن 5، واعرض الاسم والكمية فقط، ولا تعدّل أي سجل. إن لم توجد أداة مناسبة فأخبرني بذلك.

الناتج: بتستخدم أداة الموقع نفسه بيقدّمها، لما تكون موجودة فعلًا.

خد بالك:

لو السهم مش ظاهر، ده مش معناه إن ChatGPT بايظ. ممكن الموقع مش داعم WebMCP، أو حسابك مش مؤهل.

والمتصفح المدمج منفصل عن Chrome، وليه تسجيل دخول لوحده.

المصادر:Site Tools في التوثيق الرسمي فتح المتصفح المدمج

قبل ما تجرّب أي ميزة

متكتبش الباسورد في الشات أبدًا.

لما ChatGPT يطلب تسجيل دخول، استخدم نموذج الدخول الآمن.

وابدأ دايمًا بمهمة قراءة، أو Draft تجريبي، قبل ما تسمح بأي نشر أو تعديل مينفعش ترجع فيه.

الأمثلة هنا للتجربة حسب صلاحيات حسابك، مش عمليات اتنفذت على حسابات حقيقية.

وOpenAI ممكن تغيّر الخطط والحدود وأسماء الخيارات في أي وقت، علشان كده كل ميزة معاها رابط التوثيق الرسمي.

المصادر:الفرق بين Chat وWork وCodex المتصفح السحابي المهام وحدودها Codex والخطط

→ كل المقالات