جملة if في بايثون: الشروط مع else وelif

لحد دلوقتي إحنا عرفنا نخزّن البيانات، زي:

لكن بايثون هنا لسه مجرد شايل بيانات، وإحنا عايزينه يبدأ ياخد قرار بناءً على البيانات دي، يعني نقوله مثلًا: لو الصفحة 404، اطبع إن عندنا مشكلة. وده هو دور الـ Conditions.

يعني إيه Condition؟

الـ Condition ببساطة هو سؤال إجابته True أو False. لو سألنا status_code == 404 وقيمة status_code فعلًا 404، الإجابة True. لكن لو status_code = 200 وسألنا نفس السؤال، الإجابة False.

الفرق بين = و ==

دي من أهم الحاجات للمبتدئ. لما تكتب status_code = 404، العلامة = معناها: خزّن القيمة 404 جوه المتغيّر status_code. لكن لما تكتب status_code == 404، العلامة == معناها: هل قيمة status_code تساوي 404؟

لسه ما استخدمناش if، إحنا بس بنتأكد إننا فاهمين يعني إيه شرط أصلًا.

من غير ما تشغّل، توقّع الناتج:

دلوقتي ندخل على if

كلمة if معناها: لو. يعني لما نكتب if status_code == 404: إحنا بنقول لبايثون: لو status_code تساوي 404، نفّذ السطر اللي تحت.

Broken page
Audit finished

لاحظ إن print("Audit finished") اتطبعت في الحالتين، لأنها مش جوه الـ if. لكن لو status_code كانت 200 بدل 404؟

النقطتين والـ Indentation

لاحظ إن آخر سطر الـ if بينتهي بنقطتين :. دول معناهم: دلوقتي هيبدأ الكود اللي تابع للشرط ده. وهنا نوصل لحاجة مهمة جدًا في بايثون، وهي الـ Indentation: المسافة اللي بتيجي قبل print() مش للتنسيق بس، بايثون بيعتمد عليها علشان يعرف إن السطر ده تابع للـ if. عادةً بنستخدم 4 مسافات.

شوف المثال ده كمان: لو print("Broken page") جوه الـ if بمسافة، وprint("Audit finished") براها تمامًا، فالـ Indentation هي اللي بتحدد إيه الكود التابع للشرط، وإيه الكود اللي برا الشرط، وده شيء هيفضل معانا طول الكورس.

المقارنات مش بس ==

عندنا أهم Comparison Operators: == يساوي، != لا يساوي، > أكبر من، < أقل من، >= أكبر من أو يساوي، و<= أقل من أو يساوي. ناخدهم في السياق:

Long page
Thin content

Page is not 200
High traffic page
Top 10

دلوقتي نضيف else

إحنا عرفنا إن if معناها: لو الشرط صحيح اعمل كذا. لكن ساعات عايزين نقول: ولو الشرط مش صحيح، اعمل حاجة تانية. هنا بنستخدم else:

Page is working

لاحظ إن if وelse على نفس المستوى، لكن الكود اللي تحت كل واحدة داخل 4 مسافات.

طيب لو عندي أكتر من احتمال؟

مثلًا status_code ممكن تكون 200 أو 301 أو 404 أو 500، مش مجرد صح أو غلط. هنا نستخدم elif وهي اختصار لـ else if: لو الشرط الأول ما تحققش، جرّب الشرط التالي.

Redirect

بايثون بيشتغل من فوق لتحت: يسأل هل 301 == 200؟ لا. هل 301 == 301؟ نعم، فينفّذ Redirect ويقف في سلسلة الـ if/elif/else.

فرق مهم بين if وelif

بص على المثال ده:

Thin content
Missing title

لأن كل if هنا مستقلة. لكن لو كتبناها بـ elif بدل الـ if التانية؟

لأن أول شرط تحقق، فبايثون مش هيكمل باقي سلسلة الـ elif. وده مهم جدًا في SEO: لو الصفحة ممكن يكون عندها أكتر من مشكلة في نفس الوقت، غالبًا هنستخدم أكتر من if مستقلة، مش elif.

اختصار الـ Boolean

في الدرس الأول عرفنا إن True وFalse نوع بيانات اسمه bool. لو indexable = True، ممكن نكتب if indexable == True: وده صحيح، لكن ممكن نكتبه بشكل أبسط:

Page is indexable
Page is indexable

الشكلين بيدّوا نفس النتيجة، لأن قيمة indexable أصلًا True. خليك في البداية فاهم الشكل الكامل if indexable == True: قبل ما تستخدم الاختصار if indexable:.

Logical Operators

في أوقات شرط واحد مش كفاية. مثلًا عايز تقول: الصفحة شغالة 200 ومش Indexable، وعندنا شرطين. هنا نحتاج and، or، وnot.

and

and معناها: الشرط الأول والشرط الثاني لازم يكونوا صح. لو واحد فيهم False، الكود مش هيتنفذ.

Allowed

مثال SEO على and:

Live page but not indexable

لو الصفحة كانت status_code = 404 بدل 200؟

الشرط مش هيتحقق، لأن أول جزء status_code == 200 بقى False.

or

or مختلفة: يكفي شرط واحد يكون صحيح.

Weekend

مثال SEO على or: لو الصفحة 404 أو 500، عندها Error.

Page has an error

not

not مختلفة عن التنتين، هي مش بتربط شرطين، هي بتقلب القيمة: True تبقى False، وFalse تبقى True.

True

وممكن نستخدمها جوه شرط. الشكل الكامل واضح جدًا، لكن بايثون بيسمحلنا نكتبها بشكل أبسط:

Not indexable
Not indexable

أنا أفضّل في البداية تفهم الشكل if indexable == False: الأول، وبعدين تبدأ تستخدم if not indexable: لما تبقى فاهم هي اختصار لإيه.

نركّب كل حاجة على مثال SEO

عندنا الصفحة دي:

نبدأ نفحصها بأربع شروط مستقلة عن بعض:

Missing title
Thin content
Not indexable

لاحظ إننا استخدمنا أكتر من if، وده مقصود، لأن الصفحة ممكن يكون عندها أكتر من مشكلة في نفس الوقت. دلوقتي نجرّب and داخل نفس المثال: عايزين نكتشف حالة إن الصفحة شغالة 200، لكنها غير قابلة للفهرسة.

Live page but not indexable

الشرطين هنا صحيحين: status_code == 200 صح، وindexable == False صح، فـ True and True بتساوي True وينفّذ الكود. ونجرّب or: عايزين نقول لو الصفحة 404 أو 500 اعتبرها Error.

الصفحة عندنا 200، إذن False or False بتساوي False ومش هيطبع حاجة.

آخر نقطة مهمة

لما بايثون يشوف word_count < 300، هو مش شايف كلمة "Thin Content". هو بيحسب 180 < 300 فتبقى True، وبعدين if True: فينفّذ الكود. يعني الـ if في النهاية بتشتغل على True/False، وده أهم حاجة عايزك تخرج بيها من الدرس ده.

تمرين الدرس

عندك الصفحة دي:

الدرس الجاي هنبدأ Loops، لكن هنشرحها بنفس المنهج: قبل ما نكتب for page in pages هنفهم الأول يعني إيه Loop، ليه محتاجينها، ومعنى for وin.